Almatynyń qandaı kóshe qıylystarynda jıi keptelis bolady

ALMATY. KAZINFORM – Almatyda eń jıi ári uzaq keptelis bolatyn 15 jol qıylysynyń tizimi jasaldy.

Sergek ITS sarapshylary megapolıstegi kólik qozǵalysy eń tyǵyz kóshe qıylystaryna zertteý júrgizgen. Olar jol qıylysynda jınalatyn kólik sany men kezek uzyndyǵyna, keptelistiń ortasha uzaqtyǵy men joldaǵy ortasha jyldamdyq deńgeıine, sondaı-aq keptelistiń kúndelikti qaıtalaný jıiligine mán bergen.

Zertteý nátıjesinde Almatyda keptelis jıi bolatyn kóshe qıylystary belgili boldy. Bir ereksheligi - tizimge engen 15 qıylystyń jeteýi Abaı dańǵylynda ornalasqan:

- Abaı dańǵyly – Rozybakıev kóshesi;
- Abaı dańǵyly – Nazarbaev dańǵyly;
- Tóle bı kóshesi – Rozybakıev kóshesi;
- Abaı dańǵyly – Seıfýllın dańǵyly;
- Abaı dańǵyly – Baıtursynov kóshesi;
- Seıfýllın dańǵyly – Sátbaev kóshesi;
- Tóle bı kóshesi – Nazarbaev dańǵyly;
- Raıymbek dańǵyly – Seıfýllın dańǵyly;
- Abaı dańǵyly – Jeltoqsan kóshesi;
- Sátbaev kóshesi – Áýezov kóshesi;
- Sátbaev kóshesi – Rozybakıev kóshesi;
- Raıymbek dańǵyly – Nazarbaev dańǵyly;
- Tóle bı kóshesi – Áýezov kóshesi;
- Abaı dańǵyly – Brýsılovskıı kóshesi;
- Abaı dańǵyly – Áýezov kóshesi.

Eske salaıyq, buǵan deıin megapolıste veloınfraqurylym qalaı damytý josparlanyp otyrǵanyn jazǵanbyz.