Almatynyń ındýstrııalyq damýy: Alataý aýdanynda jańa kásiporyndar ashylyp jatyr
ALMATY. KAZINFORM – Alataý aýdany shahardyń basty ónerkásip ortalyqtarynyń biri retindegi ornyn nyǵaıtyp keledi, dep habarlady Almaty ákimdigi
Bıyl Almatynyń Indýstrııalyq aımaǵynda otandyq óndiristi damytýǵa, jańa jumys oryndaryn ashýǵa jáne qalanyń eksporttyq áleýetin arttyrýǵa baǵyttalǵan birqatar iri joba júzege asyryldy.
«Astana Motors Manufacturing Kazakhstan» JShS
Qytaılyq avtomobıl brendterin shyǵaratyn jeńil kólik zaýyty iske qosyldy.
Investıtsııa kólemi — 203 mlrd teńge, aýmaǵy — 30,9 gektar, 3 600 jumys orny ashyldy.
Zaýyttyń tolyq óndiristik qýaty jylyna 120 myń avtomobıl shyǵarýǵa múmkindik beredi. Qazir kásiporyn tolyqqandy óndiris rejıminde jumys istep tur.
«Astana Motors Engineering» JShS
Kólik quraldaryna arnalǵan qosalqy bólshekter men shınalardy saqtaý maqsatyndaǵy kólik-logıstıkalyq habtyń qurylysy aıaqtaldy.
Investıtsııa kólemi — 6,3 mlrd teńge, aýmaǵy — 7,3 gektar, 212 jumys orny quryldy.
«Kapital Construction» JShS
Armatýralyq tor men profıldi qubyrlar shyǵaratyn zaýyt paıdalanýǵa berildi.
Investıtsııa — 1,51 mlrd teńge, aýmaǵy — 2,5 gektar, 100 jumys orny ashyldy. Qazirgi ýaqytta kásiporyn synaq rejıminde jumysyn bastady.
«Bagdar LTD» JShS
Shyny ydystar óndiretin zaýyttyń qurylysy aıaqtalýǵa jaqyn.
Investıtsııa kólemi — 2,4 mlrd teńge, aýmaǵy — 4 gektar, 58 jumys orny qarastyrylǵan.
Zaýyttyń jyldyq óndiristik qýaty — 67,1 mln bótelke. Qazir tehnıkalyq iske qosý jumystary júrgizilip jatyr.
«T and M Company» JShS jáne «Corporation M&A» JShS
Shaǵyn jáne orta óndiristerdi ornalastyrýǵa arnalǵan ındýstrııalyq parkter jobasyn júzege asyryp keledi.
Investıtsııa kólemi tıisinshe — 339 mln teńge jáne 316 mln teńge.
Ár nysannyń aýmaǵy — 0,75 gektar, 60-80 jumys orny quryldy. Eki nysan da paıdalanýǵa berilip, jumys istep tur.
Jalpy, Alataý aýdanynyń Indýstrııalyq aımaǵy ınvestıtsııa men ınnovatsııanyń ortalyǵyna aınalyp keledi. Munda jańa jumys oryndary ashylyp, ınfraqurylym damyp, qalanyń zamanaýı ónerkásiptik ekojúıesi qalyptasyp keledi.
Aıta keteıik, Almatyda azyq-túlik baǵasyn turaqtandyrý jóninde iri saýda jelilerimen memorandýmǵa qol qoıyldy.