Almatynyń Farıza Ońǵarsynova kóshesinde kólik qozǵalysy 2 aptaǵa shekteledi
ALMATY. KAZINFORM — Alataý aýdanyndaǵy kóshede jol-qurylys jumystaryna baılanysty qozǵalys ýaqytsha shekteledi.
Energetıka jáne sýmen jabdyqtaý basqarmasynyń málimetinshe, Ońǵarsynova kóshesiniń Aqberen kóshesinen Qojabekov kóshesine deıingi bóliginde asfaltbeton jabynyn tóseý jumystary josparlanǵan. Osyǵan baılanysty atalǵan ýchaskede avtokólik qozǵalysy ýaqytsha shekteledi.
— Bul jumys 2026 jyly 21 sáýir saǵat 22:00–den 2 mamyrǵa deıin júrgiziledi. Qala turǵyndary men qonaqtary ýaqytsha ózgeristi eskerip, qozǵalys baǵytyn aldyn ala josparlaýǵa shaqyramyz, — dep túsindirdi vedomstvo ókilderi.
Atalǵan jumystar «Batys káriz kollektorynyń qurylysy» jobasy aıasynda qolǵa alynǵan. Kollektordyń jalpy uzyndyǵy Jandosov kóshesinen qalalyq tazartý qurylystaryna deıin 35 shaqyrym bllmaó. Joba aıaqtalǵannan keıin 200 myńǵa jýyq turǵyn ortalyqtandyrylǵan káriz júıesimen qamtamasyz etiledi.
Eske salaıyq, elordada birneshe kósheniń qıylysy jóndeý jumysyna baılanysty ýaqytsha jabyldy.
