Almatynyń ekonomıkasy bıyl turaqty ósý úrdisin kórsetip otyr
ASTANA. KAZINFORM – 2025 jyldyń alǵashqy tórt aıynda qysqa merzimdi ekonomıkalyq ındıkator 9,1%-ǵa ósti, bul turaqty ekonomıkalyq belsendilik pen qala ekonomıkasynyń túrli salalaryndaǵy oń úrdisterdi kórsetedi. Bul týraly Úkimettiń baspasóz qyzmeti habarlady.
Ósýdiń negizgi draıverleri úsh negizgi sektor: kólik, qurylys jáne óńdeý ónerkásibi boldy. Atap aıtqanda, kólik salasy eń mańyzdy ósimdi kórsetti – 23,9%. ıAǵnı, Qazaqstannyń eń iri qalasynda tasymaldaý men logıstıkalyq qyzmetterge suranys joǵary. Tıisinshe kólik ınfraqurylymy da damyp jatyr. Qurylys sektory da 21,3% ósim kórsetti. Óńdeý ónerkásibi 17,6%-ǵa artty.
Ótken jyly Almatynyń jalpy óńirlik óniminiń ósýi 5,6%-dy qurady, bul jan basyna shaqqandaǵy JÓÓ-ni $27,5 myń deńgeıinde qamtamasyz etýge múmkindik berdi. Ol Qazaqstan óńirleri arasyndaǵy eń úzdik kórsetkishterdiń biri. Qalanyń sapaly jáne turaqty áleýmettik-ekonomıkalyq damýyn qamtamasyz etý úshin ekonomıkany ártaraptandyrýǵa jáne ınvestıtsııalardy belsendi tartýǵa erekshe nazar aýdarylady.
2025 jyldyń qańtar-sáýir aılaryndaǵy kórsetkishter men aǵymdaǵy úrdisterdi taldaý týraly qosymsha aqparatty bizdiń tolyq sholý materıalymyzdan tabýǵa bolady.
Investıtsııalyq qyzmet jáne ónerkásipti damytý
Almaty Qazaqstannyń eń ınvestıtsııalyq tartymdy óńirleriniń biri bolyp qala beredi. 2025 jyldyń qańtar-sáýir aılarynda negizgi kapıtalǵa 541,3 mlrd teńge salyndy, bul ótken jyldyń sáıkes kezeńinen 35,6%-ǵa artyq. Investıtsııa kólemi boıynsha qala elimizdiń barlyq óńiri arasynda birinshi orynǵa ıe boldy.
Kelesi salalarǵa ınvestıtsııalar barynsha serpindi ósip otyr:
Bilim berý – 7,2 ese ósý,
Qarjylyq jáne saqtandyrý qyzmeti – 2 ese,
Sýmen jabdyqtaý jáne sý burý – 1,9 ese,
Týrızm – 1,5 ese,
Jyljymaıtyn múlik operatsııalary – 22,1%,
Elektrmen jáne jylýmen jabdyqtaý – 19,4%,
Kólik jáne qoımalaý – 14,7%.
Almatyda búginde jalpy somasy 1,7 trln teńgege 24,4 myń jumys ornyn qurýmen 151 joba iske asyrylýda. Onyń ishinde 2025 jyly 10,3 myń jumys ornyn qurýmen 496 mlrd teńge somasyna 40 jobany iske qosý josparlanýda.
Іri jobalardyń qatarynda:
«Changan», «Chery» jáne «Haval» mýltıbrendtik avtozaýyttary (182 mlrd teńge)
«Almaty Museum of Arts» mýzeıi (44 mlrd teńge)
«Wildberries» logıstıkalyq ortalyǵy (43,2 mlrd teńge)
«Kaspi Cloud» derekterdi óńdeý ortalyǵy (7 mlrd teńge)
«Medeu Park Hotel» qonaq úı kesheni (17 mlrd teńge)
Tartylǵan ınvestıtsııalardyń jalpy kólemi 2025 jyly 2,2 trln teńgeden asady dep boljanýda.
Týrızm jáne onyń qala ekonomıkasyndaǵy róli
Týrıstik salany damytý – Almatynyń áleýmettik-ekonomıkalyq damýynyń mańyzdy faktory. Týrızm qala ekonomıkasynyń 3,9%-yn quraıdy. 2024 jyly qalaǵa 2,3 mln-nan astam týrıst keldi, bul ótken jylmen salystyrǵanda 14,8%-ǵa kóp.
Qazaqstanǵa kelgen árbir ekinshi sheteldik týrıst Almatyǵa barady. Ótken jyly olardyń sany 27%-ǵa ósip, 686,3 myń adamǵa jetti, bul Qazaqstan boıynsha barlyq týrısterdiń 53%-yn quraıdy.
Kórsetilgen týrıstik qyzmetter kólemi 30%-ǵa artyp, 96,3 mlrd teńgege jetti (2023 jyly 74 mlrd teńge). Nátıjesinde týrıstik qyzmetten qala bıýdjetiniń kirisi 2 esege jýyq – 90,7 mlrd teńgege deıin ósti (2023 jyly 47,2 mlrd teńge).
Týrızm salasynda qalada jumyspen qamtylǵandardyń jalpy sanynyń 7,7%-y jumyspen qamtylǵan – 83,5 myń adam, bul 2023 jylmen salystyrǵanda 3%-ǵa artyq.
Týrıstik aǵynnyń ósýi negizgi kapıtalǵa ınvestıtsııalardyń ulǵaıýymen qatar júredi. 2025 jyldyń qańtar-sáýir aılarynda 40,2 mlrd teńge ınvestıtsııa tartyldy, bul ótken jyldyń sáıkes kezeńimen salystyrǵanda 1,5 ese kóp. 2025 jyly Almatyǵa 2,5 mln týrıster keledi dep boljanyp otyr.
Aıta ketelik Oljas Bektenov Almaty taý klasterin odan ári damytý tásilderimen tanysqan edi.