Almatynyń ekinshi jylý elektr ortalyǵy 2026 jyly gazǵa kóshiriledi
Almaty qalasyndaǵy №2 jylý elektr ortalyǵy 2026 jyly gazǵa kóshiriledi, dep habarlaıdy Kazinform Energetıka mınıstrligine silteme jasap.
Energetıka mınıstri Almasadam Sátqalıev jumys saparymen Almaty qalasyna keldi.
Sapar barysynda «Almaty elektr stantsııalary» AQ №2 JEO jáne «Almatyjylýjaıenergo» JShS Orbıta qazandyǵynyń jumysymen tanysty.
№2 jylý elektr ortalyǵynda mınıstr ákimdik, «Samuryq-Energo» AQ ókilderiniń qatysýymen jylytý kezeńi jónindegi úılestirý shtabynyń keńesin ótkizdi.
JEO ókilderi EPC gazǵa aýystyratyn merdiger anyqtalǵanyn, jumys bastalǵanyn habarlady.
Belsendi kezeń 2024 jyly bastalyp, 2026 jyldyń sońyna deıin aıaqtalady.
Sondaı-aq, ekinshi JEO-da №3 qazandyq pen №1,2 týrbınalarǵa kúrdeli jóndeý jumystary jasalyp bitken.
№ 5 qazandyqty kúrdeli jóndeý jumystary aıaqtalýǵa jaqyn.
Jalpy «Almaty elektr stantsııalary» AQ boıynsha jóndeý naýqany qarasha aıynyń sońynda aıaqtalady.
Kúzgi-qysqy jaǵdaıda jumysqa daıyndyq pasporty alynǵan.
