Almatynyń eki turǵyny iri mólsherde elektrondy temeki satqany úshin jazaǵa tartyldy

ALMATY. KAZINFORM – Almatynyń eki turǵyny birneshe aı boıy zańsyz kásipkerlik qyzmetti, ıaǵnı veıpterdi kóterme satýdy zańsyz júzege asyrǵan.

Buǵan deıin Almaty qalasynyń aýmaǵynda jedel-izdestirý is-sharalaryn júrgizý barysynda 55 myńnan astam elektrondyq temeki tabylǵan jáne tárkilengen saýda jáne qoıma úı-jaılary anyqtalǵan bolatyn.

«Sot úkimimen Almaty qalasynyń eki turǵyny kináli dep tanyldy, olardyń bireýine 3 450 000 teńgeden astam aıyppul túrindegi jaza, al ekinshisine 1 jyl merzimge bas bostandyǵyn shekteý jáne 100 saǵat májbúrli eńbek túrindegi jaza taǵaıyndaldy», — dep jazdy Qarjylyq monıtorıng agenttiginen.