Almatynyń eki kóshesinde birjaqty qozǵalys engiziledi
ALMATY. KAZINFORM — Almaly aýdanyndaǵy eki kóshede 30 maýsymnan bastap jol qozǵalysyn uıymdastyrý syzbasy ózgeredi.
Jol qozǵalysyn uıymdastyrý jáne jolaýshylar kóligi basqarmasynyń málimetinshe, birjaqty qozǵalys myna ýchaskelerde engiziledi:
- Qarasaı batyr kóshesinde — Rozybakıev kóshesinen Varlamov kóshesine deıin batys baǵytynda;
- Qulymbetov kóshesinde — Varlamov kóshesinen Rozybakıev kóshesine deıin shyǵys baǵytynda.
Ózgerister Almaty qalasy polıtsııa departamentiniń Ákimshilik polıtsııa basqarmasymen birlesip júzege asyrylady. Bul sharalar kólik qozǵalysyn jeńildetýge, kólik júktemesin azaıtýǵa jáne joldaǵy qaýipti jaǵdaılardy azaıtýǵa baǵyttalǵan.
— Birjaqty qozǵalys pılottyq rejımde engiziledi. Monıtorıng pen qabyldanǵan sharalardyń tıimdiligi baǵalanǵannan keıin osy ýchaskedegi jol qozǵalysyn uıymdastyrýǵa qatysty qosymsha sheshimder qabyldanady, — dep habarlady basqarmadan.
Eske salaıyq, buǵan deıin Prokofev kóshesiniń bóliginde, Kishi Abaı jáne Túrkebaev kóshesiniń bóliginde soltústik baǵytta birjaqty qozǵalys uıymdastyryldy.
Odan bólek Dostyq dańǵylynyń bóliginde men Zenkov kóshesiniń bóliginde baǵytta birjaqty qozǵalys engizildi.
Sondaı-aq Ýálıhanov kóshesiniń bóligi, Jýkov kóshesi (ońtústik baǵytta) jáne Manaev kóshesi (soltústik baǵytta) birjaqty qozǵalysqa aýysty.
