Almatynyń eki aýdanynda gaz ýaqytsha óshiriledi
ALMATY. KAZINFORM – Almatynyń Naýryzbaı jáne Alataý aýdandarynyń bir bóliginde gaz ýaqytsha óshiriledi.
Qala ákimdiginiń málimetinshe, Tóle bı kóshesin uzartý qurylysy aıasynda dıametri 520 mm jáne 720 mm bolatyn joǵary qysymdy gaz jelilerin qaıta ornalastyrý jumystary júrgiziledi.
Osyǵan baılanysty 27 shilde saǵat 09:00–den 31 shilde saǵat 18:00–ge deıin Momyshuly kóshesi, Abaı dańǵyly, Stroıtelnaıa kóshesi, Móńke bı kóshesi, Farıza Ońǵarsynova kóshesimen shektelgen aýmaqta tabıǵı gaz berý ýaqytsha toqtatylady.
— Turǵyndardan ýaqytsha qolaısyzdyqqa túsinistikpen qarap, qajetti daıyndyq sharalaryn aldyn ala qabyldaýdy suraımyz, — dep habarlady ákimdikten.
Eske salaıyq, buǵan deıin Qulja tas joly men Áshimov kóshesinde qozǵalys shekteldi.
