Almatynyń densaýlyq saqtaý ınfraqurylymyn jańartýǵa 69,4 mlrd teńge bólinedi
ALMATY. KAZINFORM - 2024 jyly densaýlyq saqtaý ınfraqurylymyn jańǵyrtýdy qarjylandyrý 2,5 esege artyp, 26,3 mlrd teńgege jetti. Bul týraly Almaty ákimdigi habarlady.
Almaty ákimdiginiń málimetinshe, osy jyldyń sońyna deıin 2 jańa emhananyń qurylysy men 5 iri aýrýhanany jańartýǵa arnalǵan jobalaý-smetalyq qujattama daıyndalady. Qurylys-montaj jumystary 2025-2026 jyldary júrgiziletin bolady.
Bıyl Almatyda eki medıtsınalyq-sanıtarııalyq alǵashqy kómek kórsetý ortalyǵy men 1 emhana, sondaı-aq Balalar shuǵyl medıtsınalyq kómek ortalyǵynyń jańa korpýsy ashyldy.
Budan bólek, qalalyq jumyspen qamtý jáne áleýmettik baǵdarlamalar basqarmasy janynan Erte aralasý ortalyǵy quryldy.
Engizilgen erte aralasý úlgisi balanyń damýyndaǵy aýytqýshylyqtardy erte anyqtaý jáne baǵalaý, balanyń ata-anasyn qoldaý, kórsetiletin qyzmetterdi úılestirý, balanyń úlgerimin únemi qadaǵalaý arqyly úzdiksiz baǵalaý jáne baqylaý prıntsıpterine negizdelgen. Baǵdarlamanyń biregeıligi – bala dúnıege kelgen kezinen bastap úsh jasqa deıingi fızıkalyq, kognıtıvti, emotsıonaldy jáne áleýmettik damý úshin mańyzdy kezeńdi qamtıdy.
Aıta keterligi, 2024 jyly densaýlyq saqtaý ınfraqurylymyn jańǵyrtýdy qarjylandyrý 2,5 esege artyp, 26,3 mlrd teńgege jetti. 2025 jyly taǵy 2,6 esege ósip, 69,4 mlrd teńgege deıin ulǵaıtylmaq.
