Almatynyń daǵdarys ortalyqtaryna bıyl 2 myńnan astam adam júgindi
ALMATY. KAZINFORM — Almaty qalasynyń Óńirlik kommýnıkatsııalar qyzmetiniń alańynda daǵdarys ortalyqtarynyń 2024 jylǵy 9 aıdaǵy jumysynyń nátıjeleri aıtyldy.
«Daǵdarys ortalyqtary odaǵy» zańdy tulǵalar birlestiginiń Basqarma tóraǵasy Zýlfııa Baısaqova osy jyldyń sáýir aıynda zańnamaǵa ózgerister engizilgennen keıin otbasylyq-turmystyq zorlyq-zombylyq qurbandary kómek suraı bastaǵanyn atap ótti.
«Eń bastysy, zardap shekkender memleket tarapynan qoldaýdy sezinip, óz quqyqtaryn qorǵaýdyń naqty tetigin kórdi», — dedi ol.
Al «Jan-Saıa» daǵdarys ortalyǵynyń zańgeri Gúlshara Saparova 2023 jyly daǵdarys ortalyqtarynan 2657 adam kómek surasa, bıyl 1 qarashadaǵy jaǵdaı boıynsha bul kórsetkish 2279 adamǵa jetkenin aıtty.
«Jazany qatańdatý sharalary engizilgenimen, qoǵamnyń zorlyq-zombylyqqa degen jalpy kózqarasyn ózgertý mańyzdy», — dedi zańger.
Eske salaıyq, buǵan deıin Almatyda qıyn ómirlik jaǵdaıǵa tap bolǵan balaly áıelderge arnalǵan daǵdarys ortalyǵy ashylǵanyn jazǵanbyz.
