Almatynyń Butaqty shatqalynda jańa vızıt-ortalyq ashylady
ALMATY. KAZINFORM — Almatyda týrısterge arnalǵan jańa vızıt-ortalyq ashylady.
Almaty qalasy týrızm basqarmasynyń málimetinshe, Іle-Alataýdyń bókterindegi Butaqty shatqalynda Bytakty vızıt-ortalyǵy ashylady.
— Onyń basty maqsaty — týrısterge aımaq, ekskýrsııalyq marshrýttar jáne ulttyq park múmkindikteri týraly tolyq aqparat berý, — dep habarlady vedomstvo.
Qalaǵa kelgen meımandar ortalyqtan sývenır men otandyq ónimderdi satyp ala alady. Sondaı-aq vızıt-ortalyq janynan týrıster demalyp, taýdyń ásem tabıǵatyn tamashalaı alatyn meıramhana ashylmaq.
Týrızm basqarmasy vızıt-ortalyqtyń resmı ashylýy 2025 jyldyń sońyna deıin josparlanǵanyn málimdedi.
Eske salaıyq, 2024 jyly Dostyq dańǵyly men Ospanova kóshesiniń qıylysynda qaladaǵy 9-shy vızıt-ortalyq ashyldy. Aqparattyq ortalyqtyń birden-bir ereksheligi — ǵımarat ishi 1960-80 jyldardyń sýretshileri Moldahmet Kenbaev pen monýmentalıst Nıkolaı Tsıvchınskıı jasaǵan qabyrǵadaǵy ásem mozaıkalyq órnekpen bezendirilgen.