Almatynyń birneshe shaǵynaýdanynda sýyq sý óshiriledi

ALMATY. KAZINFORM – Almatynyń birneshe shaǵynaýdanynda 22 qazanda túnde sýyq sý ýaqytsha óshiriledi.

«Almaty Sý» kompanııasynyń málimetinshe, ınjenerlik jelilerdi aýystyrý jumystaryna baılanysty 22 qazanda saǵat 23:00-den 23 qazan 05:00-ge deıin myna aýmaqtarda sýyq sý bolmaıdy:

Myna kósheler boıyndaǵy aýdandarda:

• Abaı dańǵyly – Saıyn kóshesi – Jandosov kóshesi – Qarǵaly ózeni;

• Abaı dańǵyly – Qarǵaly ózeni – Shalıapın kóshesi – Áshimov kóshesi.

Sý ýaqytsha berilmeıtin shaǵynaýdandar:

• Mamyr 1-7;

• Atameken;

• Almas;

• Shabyt;

• Jazıra;

• Qýanysh;

• Taýgúl (Yqylas jáne Gúlzar kósheleri);

• Dostyq (Abaı dańǵylynyń ońtústigi).

Sonymen qatar sý qysymy azaıýy múmkin aýmaqtar:

• Abaı dańǵyly – Altynsarın dańǵyly – Shalıapın kóshesi – Saıyn kóshesi aralyǵy;

• 6, 7, 10a jáne 12-shaǵynaýdandar.

Kompanııa ýaqytsha qolaısyzdyqtar úshin turǵyndardan keshirim surap, atalǵan shekteýlerge túsinistikpen qaraýdy ótindi.

Eske salaıyq, buǵan deıin Almatyda sýyq sý men káriz qyzmetiniń tarıfteri tómendegenin jazǵan edik.