Almatynyń birneshe kóshesinde kólik qozǵalysyna shekteý engiziledi
ASTANA. KAZINFORM — Almaty qalasynyń birneshe jol aýmaǵynda jol jóndeý jumystaryna baılanysty kólik qozǵalysyna ýaqytsha shekteý engiziledi. Bul týraly ákimdiktiń resmı paraqshasynda jarııalandy.
2 qazan saǵat 22:00–den 3 qazan saǵat 09:00–ge deıin Momyshuly kóshesi — Rysqulov dańǵylynyń ońtústik bóliginde kólik qozǵalysy shekteledi.
Al Alataý dańǵyly — Tóle bı kóshesimen qıylysynda 3-4 qazan kúnderi saǵat 08:00–den 18:00–ge deıin kólik qozǵalysy ishinara shekteledi. Jumys júrgiziletin aýmaqta kólik qozǵalysy kezekpen uıymdastyrylady.
Sondaı-aq 3 qazan saǵat 09:00–den 4 qazan saǵat 09:00–ge deıin Tóle bı kóshesi — Seıfýllın dańǵylynan Jeltoqsan kóshesine deıin jol jabyq.
3 qazan saǵat 08:00–den 4 qazan saǵat 20:00–ge deıin Abylaı han dańǵyly — Maqataev kóshesinen Mámetova kóshesine deıin kólik qozǵalysy tolyq jabylady.
— Aýmaqtarda eskertý jol belgisi ornatylady. Baǵytty aldyn ala josparlaýdy suraımyz, — delingen habarlamada.
Aıta keteıik, QazAvtoJol Soltústik Qazaqstan oblysynda qozǵalysqa shekteý engizilgenin habarlady.
