Almatynyń birneshe kóshesinde kólik qozǵalysy shekteledi
ALMATY. KAZINFORM – Almatynyń eki kóshesinde kólik qozǵalysy ýaqytsha shekteledi.
Naýryzbaı aýdany ákimdiginiń málimetinshe, 27-28 naýryz kúnderi saǵat 07:00-den 19:00-ge deıin Almaty qalasyndaǵy Nazarbaev Zııatkerlik mektebiniń fızıka-matematıka baǵytyndaǵy fılıalynda oqýshylardy irikteý konkýrsynyń ótkizilýine baılanysty avtokólik qozǵalysy Eńbekshi jáne Elıbaev kóshelerinde shekteledi.
Іs-sharaǵa 2 500-den astam adam qatysady dep kútilip otyr. Aýdan ákimdigi osyǵan baılanysty qoǵamdyq qaýipsizdikti qamtamasyz etý jáne jedel ári medıtsınalyq qyzmetterdiń jumysyn uıymdastyrý asa mańyzdy ekenin atap ótti.
– Turǵyndar men júrgizýshilerden marshrýttaryn aldyn ala josparlap, ýaqytsha qolaısyzdyqqa túsinistikpen qaraýlaryńyzdy suraımyz, - dep habarlady ákimdikten.
Eske salaıyq, buǵan deıin Almaty polıtsııasy kóshedegi kólik jarystary týraly málimdeme jasady.
