Almatynyń birneshe kóshesinde 15 aqpanda qozǵalys ýaqytsha shekteledi

Bıyl 15 aqpanda Winter Run-2026 qalalyq júgirý jarysy ótedi. Іs-sharaǵa shamamen 2 500 adam qatysady.

Uıymdastyrý komıteti jarys ótetin kúni kólik qozǵalysyna ýaqytsha jartylaı shekteý engiziletini týraly qala turǵyndary men qonaqtaryn aldyn ala habardar etti. Jarys bıyl on ekinshi ret uıymdastyrylady.

Jarys «Nurly-Taý» bıznes ortalyǵynyń janynan bastaý alady. Qatysýshylar ál-Farabı dańǵyly boıymen Gagarın dańǵylyna deıin júgirip, keri burylyp, bastapqy núktege oralady. Baǵdarlamada úsh qashyqtyq qarastyrylǵan: 10 shaqyrym, 7 shaqyrym skandınavııalyq serýen jáne 3 shaqyrym balalar jarysy.

Іs-sharaǵa baılanysty 15 aqpanda kólik qozǵalysyna shekteý engiziledi. Saǵat 04:00–den 12:00–ge deıin ıÝ. Pomerantsev kóshesiniń ál-Farabı dańǵylynan Gandı kóshesine deıingi bóligi jabylady. Saǵat 08:00–den 10:45–ke deıin ál-Farabı dańǵylynyń soltústik jaǵy Meńdiqulov býlvarynan (tonnelge kireberis) Serkebaev dańǵylyna deıin jabyq bolady. ál-Farabı dańǵylynyń ońtústik jaǵy kólik qozǵalysy úshin ashyq. Shyǵys baǵytta balama qozǵalys Tımırıazev kóshesi arqyly uıymdastyrylady.

— Shekteýler jarysqa qatysýshylar qozǵalysyn tıimdi úılestirýdi jáne sportshylar men turǵyndardyń qaýipsizdigin qamtamasyz etý maqsatynda engiziledi, — delingen habarlamada.

Uıymdastyrýshylardyń zertteýine sáıkes, marafon ótetin kúnderi myńǵa jýyq qatysýshy shamamen 8 mln teńgege saýda jasaıdy, al seriktes kompanııalardyń salyq aýdarymdary tórt jyl ishinde 318,9 mln teńgeden 873,9 mln teńgege deıin artqan. Ózge óńirlerden kelgen qatysýshylardyń shamamen 80%-y Almatyǵa qaıta kelýdi josparlaıtynyn atap ótken.

Jarys bastalatyn ýaqyty:

08:00 — 3 shaqyrym;
08:45 — 10 shaqyrym;
08:50 — 7 shaqyrym skandınavııalyq serýen.

Eske salaıyq, buǵan deıin 14 aqpanda Burabay Ice 2026 halyqaralyq muzda júgirý jarysy ótetinin habarlaǵan edik.