Almatynyń birneshe aýdanynda ýaqytsha jaryq sónedi

ALMATY. KAZINFORM –  Almatynyń keıbir aýdanynda 10 qazanǵa deıin elektr jelilerindegi jóndeý jumystaryna baılanysty jaryq ýaqytsha sóndirilýi múmkin. 

«Alataý jaryq kompanııasy» AQ qala men oblys aýmaǵyndaǵy josparly jóndeý jumystarynyń jańartylǵan kestesin jarııalady. Kompanııanyń málimetinshe, elektr energııasy az ýaqytqa jáne tutynýshylardy qosalqy qýat kózine aýystyrý múmkin bolmaǵan jaǵdaıda ǵana óshiriledi. 

Jóndeý jumystary kezinde symdar bógde zattardan tazalanyp, keı bóligi aýystyrylady jáne jabdyqtar jańartylady. Jumys kún saıyn saǵat 08:00-den 17:00-ge deıin júrgiziledi.

Jaryq Bókeıhanuly, Radışev, Jansúgirov, Tobaıaqov, Túrikmen, Şors, Angar, Panfılov, Tóle bı, Qabanbaı batyr, Abylaı han, Nazarbaev, Seıfýllın, Rysqulov, Raıymbek, Abaı jáne taǵy basqa kóshelerde sónýi múmkin.

Sondaı-aq Aqjar, Taýsamaly, Qalqaman-2, Quramys, Qaraǵaıly, Maıak, Ójet, Tomırıs, Qarasý, Aınabulaq, Ermensaı, Mıras, Baǵanashyl, Alataý, Nur Alataý, Aqsaı-1, Aqsaı-2, Astana, Mamyr-1 jáne Mamyr-7, Muztaý yqshamaýdandarynyń turǵyndary da jaryqsyz qalýy múmkin.

Kesteniń tolyq nusqasymen osy silteme arqyly tanysýǵa bolady. 

Eske salaıyq, buǵan deıin Qostanaıda qar jaýyp, birqatar aýdan jaryqsyz qalǵan edi.