Almatynyń birneshe aýdanynda erteń sýyq sý bolmaıdy

«Almaty sý» mekemesiniń málimetinshe, sýmen jabdyqtaý jelilerindegi tehnologııalyq jabdyqtardy aýystyrýǵa baılanysty 21 sáýir kúni saǵat 09:00-den 20:00-ge deıin sýyq sý berýde qysqa merzimdi shekteýler qoıylady.

Almaly aýdany boıynsha: «12 mesıatsev» turǵyn kesheni, «Raıymbek park», «Life Town», «Seyfullin» turǵyn keshenderi, sondaı-aq Indýstrıalnaıa, Alekseev kóshelerindegi turǵyn úıler.

Jetisý aýdany boıynsha: Raıymbek dańǵyly, Tóretaı kóshesi, Seıfýllın dańǵyly, Býlkýshev kóshesi.

- Jylytý maýsymyna daıyndyq aıasynda júrgizilip jatqan jabdyqtardy aýystyrý jumystary atalǵan aýdannyń sýmen jabdyqtalýyn turaqty qamtamasyz etýge múmkindik beredi. Ýaqytsha keltirilgen qolaısyzdyqtarǵa túsinistikpen qaraýlaryńyzdy suraımyz. Qosymsha aqparatty 274-66-66 telefony arqyly alýǵa bolady, – dep habarlady mekemeden.

Eske salaıyq, Almatyda kómir men qurylys qaldyqtaryna qatysty ekologııalyq baqylaý kúsheıtiledi.