Almatynyń birneshe aýdanynda bir kún sýyq sý bolmaıdy

ALMATY. KAZINFORM – Almatynyń Áýezov jáne Almaly aýdandarynda bir kún sýyq sý bolmaıdy. Bul týraly «Almaty sý» mekemesiniń baspasóz qyzmeti habarlady.

8 qazan kúni saǵat 9:00-den 20:00-ge deıin Áýezov aýdanynda Fýrkat kóshesi – Raıymbek dańǵyly – «Úlken Almaty» ózeni – Tóle bı kóshesi, «Tastaq-1» yqsham aýdany, №1-10 kontýrynda ornalasqan turǵyn úıler men ózge de ǵımarattarǵa sý berý ýaqytsha toqtaıdy.

10 qazan kúni saǵat 9:00-den 20:00-ge deıin Almaly aýdanynda Tóle bı kóshesi – Tilendıev-Qulymbetov-Volhovskaıa, Tóle bı №278, 280, 282, 284 kósheleriniń kontýrynda ornalasqan turǵyn úılerge jáne ózge de ǵımarattarǵa sý berý boıynsha ýaqytsha shekteýler engiziledi.

«Josparlanǵan jumystardyń qaýipsizdigin qamtamasyz etý úshin atalǵan qalalyq sektorlardaǵy sýyq sýmen jabdyqtaýǵa ýaqytsha shekteýler qajet. Ýaqytsha qolaısyzdyqtarǵa túsinistikpen qaraýdy suraımyz», – dep habarlady «Almaty sý» MKK baspasóz qyzmeti.

Eske salaıyq, buǵan deıin sý salasynda tarıfti qalyptastyrýdyń jańa qaǵıdalary ázirlengenin jazǵan edik. 

Sondaı-aq Almatyda sýdy únemdeý úshin 4 deńgeıli jańa tarıf engizilgenin jazǵanbyz.