Almatynyń birneshe aýdanynda 9 qazanda sýyq sý ýaqytsha óshiriledi

ALMATY. KAZINFORM – Erteń, 9 qazanda Almatynyń birneshe kóshesinde sýyq sý berý ýaqytsha toqtatylady.

«Almaty Sý» kásipornynyń málimetinshe, sý eki ýchaskede bolmaıdy.

Aqsaı súzgi stantsııasynyń qurylysyna baılanysty 9 qazan kúni saǵat 22:00-den 10 qazan tańǵy 06:00-ge deıin Naýryzbaı aýdanyndaǵy Taýjoly, Tastybulaq jáne Aqjar (shyǵys bóligi) shaǵyn aýdandarynda sýyq sý berý ýaqytsha toqtatylady.

Sol kúni saǵat 09:00-den 17:00-ge deıin jańa sý qubyry jelisin qosý jumystaryna baılanysty sýyq sý Kóktem-3 shaǵyn aýdanyndaǵy 16A úıde (Poseıdon meıramhanasy) jáne Jandosov kóshesi 2B mekenjaıynda («Metro» oıyn-saýyq ortalyǵy) bolmaıdy.

– Ýaqytsha qolaısyzdyqtar úshin keshirim suraımyz jáne tehnıkalyq jumystar júrgizýdiń qajettiligine baılanysty shekteýlerge túsinistikpen qaraýdy suraımyz, - delingen «Almaty Sý» habarlamasynda.

Eske salaıyq, buǵan deıin qazan aıynan bastap Almatydaǵy sýyq sýmen jabdyqtaý jáne sý burý qyzmetteriniń tólemderi jańa tarıfter boıynsha alynatynyn jazǵanbyz. Sondaı-aq esepteý ádisi de ózgeredi – endi tutyný kólemine qaramastan, biryńǵaı tarıf qoldanylady.