Almatynyń birneshe aýdanynda 2 kún sýyq sý bolmaıdy

ALMATY. KAZINFORM — Almatyda sý qubyry jelilerin jáne sý nysandaryn qaıta qurý jumystary júrip jatyr.

«Almaty Sý» málimetinshe, 27 tamyz saǵat 09:00–den 17:00–ge deıin jańa sý qubyryn jelige qosý jumystary barysynda sýyq sýdyń berilýi ýaqytsha toqtatylady. Shekteý kelesi kóshe sheńberinde ornalasqan turǵyn úıler men ákimshilik ǵımarattarǵa qatysty: Tımırıazev kóshesi — Sypataev kóshesi — Áýezov kóshesi — Abaı dańǵyly, «Atakent» QІYO aýmaǵy. Jumystar júrgizilgen kezeńde Áýezov kóshesi boıynda sý qysymynyń tómendeýi kútiledi.

Al 28 tamyzda saǵat 09:00–den 20:00–ge deıin jańa súzgi stantsııasyn salý aıasynda tehnologııalyq jumystar júrgiziledi. Osy kezeńde ýaqytsha sý berý: «Aqjar» shaǵyn aýdany, «Tastybulaq», «Taýjoly» shaǵyn aýdandarynda toqtatylady.

— Keltirilgen ýaqytsha qolaısyzdyqtar úshin keshirim suraımyz jáne tehnıkalyq jumystardy júrgizý qajettiligine baılanysty engizilgen shekteýlerge túsinistikpen qaraýdy ótinemiz, — dep habarlady «Almaty Sý».

Eske salaıyq, 150 myń almatylyqty sýmen qamtamasyz etetin «Aqsaı» stantsııasy qarashada iske qosylady.