Almatynyń bir bóliginde jer úılerdiń turǵyndary gazsyz otyr
ALMATY. KAZINFORM - Almatynyń Medeý aýdanynda negizinen jer úıler ornalasqan taýly aýdanda gaz qysymy tómendep ketti.
«Gornyı Gıgant» yqshamaýdanynyń turǵyndary úıinde gaz tapshylyǵy bar ekenin aıtyp shaǵymdandy.
Almaty ákimdigi gaz taratý jelilerinde apat bolǵan joq deıdi.
«QazTransGaz Aımaq» AQ jedel toby gaz qysymynyń túsip ketýine sebep bolǵan olqylyqty izdep jatyr. 22 aqpan saǵat 23:30-daǵy ahýal boıynsha gaz taratý jelilerindegi aqaýdyń sebebi áli anyqtalǵan joq. Oqıǵa ornynda gaz qyzmetiniń jedel toptary jumys istep jatyr», — dep habarlady qala ákimdigi.
Shaǵymdaný nemese tótenshe jaǵdaıdyń sebepteri men merzimi týraly aqparat alý úshin QazTransGaz Aımaq jedel dıspetcherine 104 nemese 396-96-10, 253-02-07 nómiri arqyly habarlasa alasyz.
