Almatynyń Botanıkalyq baǵynda aqqýdyń moınynan tartqan adam izdestirilip jatyr

ALMATY. KAZINFORM – Almatynyń Botanıkalyq baǵynda er adam aqqýǵa qatygezdik kórsetken. 

Oqıǵanyń beınejazbasy áleýmettik jelide tarady. 

Almaty qalasynyń polıtsııa departamenti er adamnyń is-áreketine quqyqtyq baǵa beriletinin habarlady.

– Almaty qalasynyń Botanıkalyq baǵynda qusqa qatygezdik jasaý faktisi boıynsha tekserý bastaldy. Onyń is-áreketine quqyqtyq baǵalaý beriledi jáne Qazaqstan Respýblıkasynyń zańnamasyna sáıkes sharalar qabyldanady. Basqa da mán-jaılary anyqtalyp jatyr, - dep habarlady departamentten.

Eske salaıyq, 2022 jyly 2 naýryzdan bastap «Janýarlarǵa jaýapkershilikpen qaraý týraly» zań kúshine endi. Zań janýarlardy qorǵaý, qaýipsizdikti qamtamasyz etý, izgilikti nyǵaıtý jáne janýarlardy asyraý kezinde qoǵamnyń adamgershilik qaǵıdattaryn saqtaý maqsatynda qabyldandy.