Almatynyń botanıkalyq baǵyna kirý bıletteriniń baǵasy ósti

ALMATY. KAZINFORM — Almatynyń botanıkalyq baǵy qosymsha qun salyǵyna baılanysty kirý bıletteriniń baǵasyn ósirdi.

— 2026 jylǵy 1 qańtardan bastap Qazaqstan Respýblıkasynyń jańartylǵan Salyq kodeksine sáıkes QQS negizgi mólsherlemesi 12%-dan 16%-ǵa deıin ulǵaıady. Osyǵan baılanysty, QQS bılet baǵasyna kiretindikten, Bas Botanıkalyq baqqa kirý bıletteriniń quny ózgeredi, — delingen habarlamada.

Endi botanıkalyq baqqa kirý aqysy:

• eresekter úshin — 932,14 teńge;

• zeınetkerler men oqýshylar úshin — 466,07 teńge;

• stýdentter úshin — 745,71 teńge bolady.

Ákimshilik tıynmen esep aıyrysýǵa baılanysty kelýshilerge qolaısyzdyq týyndaýy múmkin ekenin eskertip, keshirim ótindi. 

Qazirgi ýaqytta Orman sharýashylyǵy jáne janýarlar dúnıesi komıtetimen birge qyzmet kórsetý tarıfterin tıynsyz formatqa kóshirý máselesi pysyqtalyp jatyr.

Eske salaıyq, buǵan deıin Almatynyń botanıkalyq baǵy 3 qańtarǵa deıin jabyq bolatynyn habarlaǵanbyz.