Almatynyń botanıkalyq baǵy bir kúnge jabylady
ALMATY. KAZINFORM — Almatylyqtardyń súıikti demalys oryndarynyń biri — Bas botanıkalyq baq 1 kúnge jabylady.
Bul týraly baqtyń baspasóz qyzmeti áleýmettik jelide habarlady. Resmı málimdemege sáıkes, 4 mamyrda botanıkalyq baqta josparly sanıtarlyq jumystar júrgiziledi.
— Bul kúni baq ýaqytsha jabylady. Basqa kúnderi jumys kestesi ózgerissiz qalady: Botanıkalyq baq kún saı̆yn saǵat 09:00–den 20:00–ge deı̆in jumys jasaı̆dy. Kassadaǵy tehnıkalyq úzilis: 15:00–15:30, — delingen habarlamada.
Eske salaıyq, Almatynyń botanıkalyq baǵy 1 sáýirden bastap jańa jumys kestesine aýysty. Oǵan deıin qysqy jumys kestesi boıynsha mekeme kelýshilerdi saǵat 10:00–den 18:00–ge deıin qabyldaǵan bolatyn.
Sondaı-aq 2026 jyldyń 1 qańtarynan bastap botanıkalyq baq bıletteriniń baǵasy ósti.
