Almatynyń botanıkalyq baǵy 3 qańtarǵa deıin jabyq bolady

ALMATY. KAZINFORM — Almatylyqtardyń súıikti oryndarynyń biri merekege oraı birneshe kúnge jabylady.

Almaty qalasy Bas botanıkalyq baǵynyń baspasóz qyzmeti qoǵamdyq keńistik 31 jeltoqsan jáne 1, 2 qańtar kúnderi jabyq bolatynyn habarlady.

— Botanıkalyq baq 3 qańtardan bastap jumysyn bastaıdy. Jumys ýaqyty ózgerissiz: saǵat 10:00–den 18:00–ge deıin ashyq bolady. Kassadaǵy tehnıkalyq úzilis: 15:00–15:30, — dep habarlady baqtan.

Eske salaıyq, 2025 jyldyń 15 qazanynan bastap Almatynyń botanıkalyq baǵy qysqy jumys kestesine aýysty. Ár aıdyń birinshi dúısenbisi sanıtarlyq kún ótedi.

Buǵan deıin megapolıstiń botanıkalyq baǵynda aqqýǵa qatygezdik kórsetken azamat 7 kúnge qamalǵanyn jazǵanbyz.