Almatynyń Bostandyq aýdanynyń ákimi turǵyndarmen qoshtasty
ALMATY. KAZINFORM — Eki jyl boıy Almatynyń Bostandyq aýdanynyń ákimi laýazymynda bolǵan Sanjar Alın qyzmetinen ketetinin aıtty.
Aýdan ákimdiginiń paraqshasynda jarııalanǵan qoshtasý vıdeosynda ol turǵyndarǵa senimi, qoldaýy, túsinistigi úshin alǵys aıtty.
Ol biraz sharýa atqarylǵanyn, keıbiriniń áli de atqarylyp jatqanyn, al kóp mindettiń bolashaqta júzege asatynyn atap ótti.
— Endi qalǵan úlgermegen jumystardy ózderińizben birlesip, Bostandyq aýdany ákimdiginiń apparatynyń mamandarymen sheshim tabasyzdar dep oılaımyn, — dedi Sanjar Alın.
Sanjar Alın Bostandyq aýdanynyń ákimi qyzmetine 2023 jylǵy mamyr aıynda taǵaıyndaldy. Ol munyń aldynda Almatynyń energııa tıimdiligi jáne ınfraqurylymdyq damý basqarmasyn basqarǵan.
Eske salaıyq, buǵan deıin Almaty ákiminiń orynbasarlary Álisher Ábdiqadyrov, Ásem Núsipova, Asqar Amrın qyzmetinen ketken edi.