21:08, 02 Tamyz 2025 | GMT +5
Almatynyń Bostandyq aýdanynda jańa saıabaq boı kóteredi
ALMATY. KAZINFORM — Jańa saıabaq Jarokov pen Sı Sınhaı kósheleriniń qıylysynda ornalasqan. Jalpy aýmaǵy — 4,1 gektar.
Almaty ákimdiginiń málimetinshe, qazirgi tańda aýmaqta jaıaý júrginshilerge arnalǵan joldar tóselip, balalarǵa oınaýǵa yńǵaıly alańqaılar ornatylyp, jaryqtandyrý júıesi men shaǵyn sáýlettik elementter qoıylyp jatyr. Kógaldandyrýǵa erekshe kóńil bólinip, 120-dan astam iri aǵash, atap aıtqanda jóke, talshyn jáne qaraǵaı otyrǵyzý kózdelgen.
— Jańa saıabaq almatylyqtardyń tynyǵyp, serýendeıtin zamanaýı ári jaıly mekenine aınalmaq, — dep habarlady ákimdikten.
Barlyq jumysty qazan aıynda aıaqtaý josparlanǵan.
Eske salaıyq, buǵan deıin Almatyda Ál-Farabı dańǵylynyń boıynda jańa sport saıabaǵy bolatynyn jazǵanbyz.