Almatynyń Bostandyq aýdanynda tótenshe jaǵdaı jarııalanýy múmkin

ALMATY. KAZINFORM – Búgin «Ashyq NQA» portalynda Bostandyq aýdanynda tehnogendik sıpattaǵy tótenshe jaǵdaı týraly joba qoǵamdyq talqylaýǵa shyǵaryldy.

Ony ázirleýshi organ – Almaty qalasy Bostandyq aýdany ákiminiń apparaty.

Qujatta kórsetilgen málimetke sáıkes, tótenshe jaǵdaı jarııalaýdyń maqsaty – «Kókshoqy» shaǵyn aýdanynda jáne «Alma» turǵyn úı kesheninde, sondaı-aq olarǵa irgeles turǵyn úılerde sýmen jabdyqtaýdyń bolmaýyna baılanysty ondaǵy aýmaq pen halyqtyń qaýipsizdigin qamtamasyz etý.

- Injenerlik jelilerdi jańǵyrtý jáne qaıta jańartý, sý basý qaýpi bar aýmaqtarda aldyn alý sharalaryn júrgizý, sondaı-aq jekelegen jol ýchaskelerinde, onyń ishinde taý bókterindegi aımaqtarda táýekelderdi azaıtý jumystary jasaldy. Jobany qabyldaý teris áleýmettik-ekonomıkalyq jáne quqyqtyq saldarǵa ákep soqpaıdy, – delingen joba málimdemesinde.

Qoǵamdyq talqylaý búgin saǵat 10:20-da bastaldy jáne 18:00-ge deıin jalǵasady.

Eske salaıyq, buǵan deıin Qonaev qalasynda jergilikti aýqymda tótenshe jaǵdaı jarııalandy.