Almatynyń Bostandyq aýdanynda tótenshe jaǵdaı jarııalandy — ákim túsinikteme berdi
ALMATY. KAZINFORM — Almaty qalasy Bostandyq aýdanynyń ákimi Azamat Qaldybekov tehnogendik sıpattaǵy tótenshe jaǵdaı rejımine baılanysty túsinikteme berdi.
Bıyl aqpan aıynda «Ashyq NQA» portalynda «Kókshoqy» yqshamaýdany, «Alma» turǵyn úı kesheni jáne oǵan irgeles úılerde sýdyń joqtyǵyna baılanysty tótenshe jaǵdaı rejımin engizý týraly joba jarııalanǵan edi.
Óńirlik kommýnıkatsııalar qyzmetinde ótken brıfıngte aýdan ákimi bul sýmen jabdyqtaý máselesin sheshýge baǵyttalǵan sheshim ekenin aıtty.
Azamat Qaldybekovtyń aıtýynsha, qazirgi ýaqytta daıyndyq jumystary júrip jatyr. Atap aıtqanda, geologııalyq zertteýler júrgizilip, jobalyq-smetalyq qujattama ázirlenip jatyr. Joba aıasynda tereńdigi 100-den 400 metrge deıin jetetin uńǵymalar burǵylaý kózdelgen.
Qurylys jumystary tıisti qaýlyǵa qol qoıylǵannan keıin sáýir aıynyń ortasynda bastalmaq.
— Qurylys áli bastalǵan joq, ol sáýirdiń ortasyna qaraı bastalady. Bir apta nemese on shaqty kúnnen keıin iske kirisemiz. «Kókshoqy» yqshamaýdany men «Alma» turǵyn úı keshenin uńǵymadan keletin taza aýyz sýmen tolyq qamtamasyz etemiz, — dedi Azamat Qaldybekov.
Eske salaıyq, buǵan deıin buǵan deıin Qonaev qalasynda jergilikti aýqymda tótenshe jaǵdaı jarııalandy.
