Almatynyń bilim basqarmasyna jańa basshy keldi
ALMATY. KAZINFORM — Sáken Aralbaev Almaty bilim basqarmasynyń basshysy bolyp taǵaıyndaldy.
Sáken Aralbaev Abaı atyndaǵy Almaty memlekettik ýnıversıtetin jáne Abaı atyndaǵy Qazaq ulttyq pedagogıkalyq ýnıversıtetin «shyǵystaný» jáne «tarıh» mamandyqtary boıynsha támamdaǵan.
Eńbek jolyn 2008 jyly Almaty qalalyq aqparattyq-taldaý ortalyǵynda sarapshy qyzmetinen bastaǵan.
Ár jyldary qalalyq Jumyspen qamtý jáne áleýmettik baǵdarlamalar basqarmasynda, sondaı-aq Medeý aýdany ákiminiń apparatynda jumys istep, bas maman, mádenıet jáne tilderdi damytý bóliminiń basshysy, áleýmettik sala bóliminiń basshysy qyzmetterin atqarǵan.
2024-2025 jyldary Almatynyń Bostandyq aýdany ákiminiń orynbasary qyzmetin atqardy.
2025 jylǵy jeltoqsannan bastap qazirge deıin Almaty bilim basqarmasy basshysynyń orynbasary bolyp jumys istedi.
Eske salaıyq, buǵan deıin Almaty qurylys basqarmasynyń basshysy bolyp Nurbol Nursaǵatov taǵaıyndalǵanyn habarlaǵan edik.
