Almatynyń bes aýdanynda jármeńke ótedi

ALMATY. KAZINFORM — Jyl basynan beri Almaty turǵyndary men qonaqtary demalys kúngi jármeńkelerde 22 800 tonnadan astam aýyl sharýashylyǵy ónimin satyp aldy.

Almaty qalasynyń Almaly, Bostandyq, Medeý, Alataý, Áýezov aýdandarynda apta saıyn jármeńke uıymdastyrylyp keledi. Oǵan Almaty oblysynyń jaqyn aýdandarynyń aýyl sharýashylyǵy taýaryn óndirýshileri, sondaı-aq, Almaty qalasynyń azyq-túlik kásiporyndary qatysady.

— Jyl basynan beri Almaty turǵyndary men qonaqtary demalys kúngi jármeńkelerde 22 800 tonnadan astam aýyl sharýashylyǵy ónimin satyp aldy. Onyń ishinde 11,5 myń tonnaǵa jýyq kókónis pen jemis-jıdek, 7,3 myń tonnadan astam et jáne et ónimderi, 2 myń tonnadan astam sút ónimderi, 1,8 myń tonna bakaleıa jáne marınadtalǵan qııar, — dep habarlady ákimdikten .

Jármeńkelerde barlyǵy 1000-nan astam taýar túri usynylǵan.

— Demalys kúngi jármeńkeler otandyq óndirýshilerdi qoldaýǵa, halyqtyń qoljetimdi baǵamen sapaly azyq-túlik taýarlaryn alýyna, sondaı-aq qalanyń saýda ınfraqurylymyn damytýǵa baǵyttalǵan. Ónim tikeleı aýyl sharýashylyǵy taýaryn óndirýshiler men óńdeýshi kásiporyndardan deldaldardyń qatysýynsyz kelip túsedi, bul baǵany naryq deńgeıinen tómendetedi, — dep atap ótti ákimdikten.

Eske salaıyq, jármeńke apta saıyn, senbi jáne jeksenbi kúnderi saǵat 08:00–den 18:00–ge deıin ótedi.

Jármeńkeler ótetin oryndar:

* Almaly aýdany: Masanshy kóshesi, Gogol men Áıteke bı kóshesiniń aralǵynda.

* Bostandyq aýdany: Qazaqfılm sh/a, Isınalıev kóshesi.

* Áýezov aýdany: Ótegen batyr kóshesi — Abaı dańǵylynyń tómen jaǵy.

* Medeý aýdany: Meńdiqulov býlvary — Bekturov kóshesiniń qıylysy.

* Alataý aýdany: «Mádenıet» TÚK.

Buǵan deıin Astana kúnine oraı 5-6 shilde kúnderi elordada aýyl sharýashylyǵy jármeńkesi ótetini týraly jazǵanbyz.