Almatynyń basty kósheleriniń birinde jańa velojol salynady
ALMATY. KAZINFORM – Dostyq dańǵyly Abaı dańǵylynan Ál-Farabı dańǵylyna deıingi aralyqta abattandyrylady.
Almaty ákimdiginiń málimetinshe, joba jaıly qoǵamdyq keńistikti qalyptastyrýǵa baǵyttalǵan. Munda trotýarlar jańartylyp, skver salynady, sport alańdary men shaǵyn túrli pishinder ornatylady. Sondaı-aq kógaldandyrý, jaıaý júrginshiler aımaǵyn keńeıtý jáne rettelgen avtoturaqtardy uıymdastyrý kózdelgen. Odan bólek jańa velojol salynady.
- Buǵan deıin bul ýchaskede trotýarlar tar bolǵan, avtoturaqtar retsiz qoıylyp, jasyl aımaqtar kútimsiz qalǵan, velosıped ınfraqurylymy bolmaǵan. Qaıta jańǵyrtylatyn ýchaskeniń uzyndyǵy 1,5 km, quny - 2,35 mlrd teńge. Jobany «Almatybasjospar» ǵylymı-zertteý ınstıtýty ázirlegen jáne memlekettik saraptamanyń oń qorytyndysyn alǵan, - dep habarlady ákimdikten.
Eske salaıyq, buǵan deıin Almatyda bıyl qansha shaqyrym velojol salynatynyn jazǵanbyz.
