Almatynyń bas josparyna túzetý engizilmek
ASTANA. KAZINFORM — Almatyda jekelegen qurylystarǵa engizilgen moratorııdi eskere otyryp, Bas josparǵa túzetý engizilip jatyr, dep habarlaıdy qala ákimdiginiń baspasóz qyzmeti.
Memleket basshysynyń tapsyrmasyna sáıkes Almatynyń 2040 jylǵa deıingi jańartylǵan Bas josparyn ázirleý jumystary jalǵasyp keledi.
Negizgi mindet — jasyl aımaqtardy keńeıtý, taýǵa jaqyn aýmaqtardy qurylystan qorǵaý jáne ekologııalyq turǵydan teńgerimdi qala ortasyn qalyptastyrý.
Sonymen qatar jeke ınvestorlar júzege asyryp jatqan jańa qonaqúı jobalary qaraldy.
Qazirgi ýaqytta qaladaǵy qonaqúılerdiń júktemesi 95%-ǵa jetken, al 54 jańa joba iske asyrylý kezeńinde.
— Sapaly ınfraqurylymsyz týrıstik aǵynnyń turaqty ósimin qamtamasyz etý qıyn. Sondyqtan bul baǵytta egjeı-tegjeıli jumys júrgizemiz, — dedi Darhan Satybaldy.
Maqsat — Almatyny turǵyndar men qonaqtar úshin jaıly, jasyl ári tartymdy qalaǵa aınaldyrý.
Budan buryn Almatyda aýyr júk kólikterine baqylaý kúsheıetini habarlandy.