Almatynyń bas jospary qoǵamdyq tyńdaýda talqyǵa tústi
ALMATY. KAZINFORM — Almatyda qalanyń jańa Bas josparynyń strategııalyq ekologııalyq baǵalaýy boıynsha qoǵamdyq tyńdaýlar ótip jatyr.
Tyńdaýlar barysynda shahardy ekologııalyq turǵydan damytýǵa baǵyttalǵan jumystar, Ál-Farabı dańǵylynan ońtústikke qaraı ornalasqan taý bókterlerinde kúrdeli qurylys júrgizýge tolyq tyıym salý, Іle Alataýy ulttyq tabıǵı saıabaǵy aýmaǵyn qorǵaý rejımin saqtaý, sondaı-aq qaladaǵy aýa sapasyn baqylaý jelisin 50-den astam turaqty baqylaý beketine deıin keńeıtý máseleleri talqylandy.
— Strategııalyq ekologııalyq baǵalaý qalanyń damý josparyn ázirleý kezeńiniń ózinde-aq ekologııalyq faktorlardy eskerýge múmkindik beredi jáne Almatynyń jańa Bas josparyn daıyndaýdaǵy mańyzdy quramdas bólik sanalady, — dep habarlady ákimdikten.
Qoǵamdyq tyńdaýlar barysynda turǵyndar qalany kógaldandyrý, jasyl aımaqtardyń azaıýy, aýyzsý máselesi jáne turǵyn úı keshenderiniń kóbeıýine baılanysty týyndaıtyn ekologııalyq suraqtarǵa baılanysty alańdaýshylyqtaryn bildirdi. Oǵan ákimdik pen basqarma ókilderi, mamandar men sarapshylar jaýap berdi.
Eske salaıyq, buǵan deıin Almatynyń Bas josparyndaǵy ózgerister qashan bekitiletinin jazǵanbyz.
