Almatynyń «Baraholkasynda» 67 zańsyz saýda nysany buzylyp jatyr
ALMATY. KAZINFORM – Almatyda zańsyz saýda oryndaryna qarsy jumys júrip jatyr.
Almaty ákimdiginiń málimetine sáıkes, monıtorıng barysynda qaladaǵy avtoturaq oryndarynda zańsyz salynǵan saýda oryndary anyqtalǵan.
Osyǵan oraı Mamandandyrylǵan aýdanaralyq ekonomıkalyq sottyń sheshimi negizinde «Adem» saýda ortalyǵynyń aldyndaǵy avtoturaqta ornalasqan 30 zańsyz qurylym buzylǵan.
Odan bólek sot «ıAlıan» saýda ortalyǵynda osyǵan uqsas 37 saýda núktesin alyp tastaý týraly qaýly shyǵarǵan. Qazirgi ýaqytta sot oryndaýshylary bul sheshimniń negizinde nysandy buzý jumystaryn bastady.
- Avtoturaqtardaǵy zańsyz saýda nysandaryn anyqtaý jáne joıý jumystary jalǵasady. Azamattar men bıznes ókilderi avtoturaqtardy paıdalaný erejesin qatań saqtaýǵa tıis, - dep habarlady «Almaty parkıng» mekemesi.
Eske salaıyq, buǵan deıin Almatyda «Arystan» bazary súrilip jatqanyn jazǵanbyz.
