Almatynyń aınalma jolymen júrý aqysy nege qymbattady – Marat Qarabaevtyń jaýaby

ASTANA. KAZINFORM – Kólik mınıstri Marat Qarabaev Úkimet otyrysynan keıin ótken baspasóz máslıhatynda Almatynyń aınalma jolymen júrý aqysy nege qymbattaǵanyn túsindirdi.

- Birinshiden, ol joldy salǵanda oǵan Almaty qalasy men Almaty oblysynan kelip qosylatyn 6 joldy qosqanda táýligine 45 myń kólik ótedi dep josparlaǵanbyz.

Al qazir sol radıaldy joldar qosylmaǵannyń ózinde táýligine 75 myń kólik ótip jatyr. Árıne, bul jolǵa beriletin júktemeni kóbeıtedi. ıAǵnı, joldy kútip ustaýǵa qosymsha qarajat kerek bolady jáne joldyń eskirýin tezdetedi. Sondyqtan, joldy kútip ustaý úshin jáne der kezinde jóndep otyrý úshin aqysyn kóterdik, - dedi mınıstr.

Marat Qarabaev bul jolmen sheteldik kólikter óte jıi qatynaıtynyn eske saldy.

- Ekinshiden, ol - memleket-jeke menshik áriptestigi aıasynda salynǵan jol. ıAǵnı, memleket óz esebinen tólep jatyr. Budan buryn da aıtqanbyz, bizdiń basty maqsat – jol salasynda memleketke túsetin júktemeni azaıtý. Al sodan únemdelgen qarajatty basqa áleýmettik baǵyttarǵa jiberý kózdelgen. Almatynyń aınalma joly 66 shaqyrym desek, munda sheteldik kólikter óte kóp júredi. Osy eki sebeppen jol aqysyn kóterdik, - dedi ol.

Atalǵan baspasóz máslıhatynda Marat Qarabaev qosylǵan qun salyǵyn kóterý bastamasy men janarmaı baǵasynyń naryqqa berilýi taksı baǵasyna qalaı áser etetini týraly pikir bildirdi.