Almatynyń Arbatynda jastar arasynda jappaı tóbeles boldy
ALMATY. KAZINFORM – Túngi tóbeleske baılanysty tártip saqshylary tergeý júrgizip jatyr.
Jas jigitterdiń arasyndaǵy janjal beınejazbasy áleýmettik jelide tarady.
Almaty qalasy Polıtsııa departamentiniń málimetinshe, oqıǵa kezinde «102» pýltine qońyraýlar kelip túspegen. Alaıda jarııalanǵan beınematerıaldar boıynsha polıtsııa tergeý jumystaryn bastady. Tóbeleske qatysýshylar anyqtalǵan.
- Qazirgi ýaqytta olardyń árqaısysyna quqyqtyq baǵa beriletin bolady.
Almaly aýdandyq polıtsııa basqarmasy buzaqylyq deregi boıynsha qylmystyq is qozǵady. Qoǵamdyq tártipti óreskel buzý, ásirese, agressıvti jáne zorlyq-zombylyqpen ushtasatyn áreketterdiń zań aıasynda qatań túrde joly kesiledi, - dep habarlady qalalyq polıtsııa departamentinen.
Eske salaıyq, buǵan deıin Almatyda jappaı tóbeles bolyp, eki adam pyshaq jaraqatyn alǵanyn jazǵanbyz.
Onyń aldynda Almaty meıramhanalarynyń birinde ózara tanys er adamdar arasynda janjal shyǵyp, olardyń biri ekinshisiniń aıaǵyna oq atqany týraly jazǵan edik.