Almatynyń Alataý aýdanynda eń úlken saıabaqtardyń biri salynady
ALMATY. KAZINFORM — Alataý aýdanynda aýmaǵy 25 ga bolatyn jańa saıabaq salynady.
Almaty ákimdiginiń málimetinshe, iri qurylys kompanııalarynyń biri Alataý aýdanynyń Momyshuly kóshesinde 25 gektar aýmaqty qamtıtyn zamanaýı saıabaq salýǵa 6 mlrd teńgeden astam qarjy quıýdy josparlap otyr.
— Joba aıasynda saıabaq aýmaǵynda kórikti jaıaý júrginshiler jáne velosıped joldary salynyp, balalar men sport alańdary, tynysh demalys aımaqtary men zamanaýı landshaftyq dızaın elementteri jasaqtalady. Jasyl jelekke erekshe kóńil bólinip, bıiktigi 4-6 metrden asatyn 500-den asa iri aǵash otyrǵyzý kózdelgen, — dep habarlady ákimdikten.
Qurylys-montajdaý jumystaryn 2025 jyly qyrkúıekte bastap, 2026 jyly jazda aıaqtaý josparlanǵan.
Eske salaıyq, buǵan deıin Almaty-1 temirjol vokzalynyń janynda jańa Arbat ashylatynyn jazǵanbyz.