Almatynyń Alataý aýdanynda bir kúnnen keıin jaryq qaıta qosyldy

ALMATY. KAZINFORM – Alataý aýdanyndaǵy úılerdiń bárine bir táýlikten asa ýaqyt ótken soń jaryq qaıta berildi.

«Alataý Jaryq Kompanııasy» AQ málimetinshe, qazirgi ýaqytta aýdandaǵy barlyq tutynýshyǵa elektr qýaty qaıta berildi. Bul rezervtik qýat kózderine qosý arqyly múmkin bolǵan.

– Qazirgi tańda mamandar qala ákimdiginiń balansyndaǵy 110 kV kabel jelisin qalpyna keltirý jumystaryn jalǵastyryp jatyr, - dep habarlady kompanııanyń baspasóz qyzmeti.

Eske salaıyq, 13 qarasha kúni shamamen 18:00-den beri Alataý aýdanyndaǵy birneshe shaǵynaýdan turǵyny jaryqsyz otyrdy. 

Buǵan ákimdikke tıesili 110 kV kabel jelisiniń zaqymdanýy sebep boldy.

– Joǵary kerneýli jeliler «MAGNUM E-COMMERCE KAZAKHSTAN» JShS tapsyrysymen júrgizilgen gaz qubyryn kóldeneń baǵytta burǵylaý jumystary kezinde zaqymdalǵan. Bul jumystardy MP «GazEnerdjı» JShS oryndaǵan, - dep habarlady ákimdik.

Túni boıy apattyq qyzmet kúsheıtilgen rejımde jumys istedi.

Buǵan deıin Almaty ákimdigi Alataý aýdany turǵyndary nege bir táýlikten beri jaryqsyz otyrǵanyn túsindirgen edi.