Almatynyń Alataý aýdanyna jańa ákim taǵaıyndaldy
ALMATY. KAZINFORM — Almaty ákiminiń ókimimen QR Prezıdenti Ákimshiliginiń jáne qala máslıhatynyń kelisimimen Alataý aýdanynyń ákimi laýazymyna Talǵat Malybaev taǵaıyndaldy. Bul týraly qala ákimdiginiń baspasóz qyzmeti habarlady.
Talǵat Malybaev 1987 jyly 20 jeltoqsanda Qaraǵandy oblysynda dúnıege kelgen.
Qaraǵandy memlekettik tehnıkalyq ýnıversıtetin «kólik» mamandyǵy boıynsha bitirgen.
Eńbek jolyn 2010 jyly Qaraǵandy qalasyndaǵy «Agro-Konsaltıng — K» AQ strategııa jáne bıýdjettik josparlaý departamentiniń mamany retinde bastady.
Ár jyldary qurylys kompanııalarynda jumys istegen, sondaı-aq Almaty qalasynyń «Almaty jylý jelileri» JShS-de, Almaty oblysynyń «Jetisý» ÁKK UK AQ-da basshylyq qyzmet atqardy.
«Almaty qalasyn damytý ortalyǵy» AQ TKSh qyzmetteriniń sapasyn arttyrýdyń bazalyq baǵytyn iske asyrý tobynyń jetekshisi bolyp jumys istedi.
2023 jyly maýsymnan bastap qazirgi deıin Almaty qalasy energetıka jáne sýmen jabdyqtaý basqarmasynyń basshysy qyzmetin atqardy.
Eske salaıyq, buǵan deıin Qazaqstanda apta ishinde bolǵan kadrlyq aýys-túıisti jazǵanbyz.
