Almatynyń Ál-Farabı dańǵylynda velojarysqa baılanysty qozǵalys shekteledi
ALMATY. KAZINFORM — 16 tamyzda Almatyda áýesqoılar men ardagerler arasynda velosporttan Gran Fondo World Championship velojarysy ótedi.
Qalalyq sport basqarmasynyń málimetinshe, saǵat 05:30–dan 06:40–qa deıin Ál-Farabı dańǵylynyń Dostyq dańǵylynan Talǵar tas jolyna deıingi bóliginde, sondaı-aq saǵat 05:30–dan 10:30–ǵa deıin Dostyq dańǵylynan Naýaı kóshesine deıingi bólikte kólik qozǵalysy ýaqytsha shekteledi.
— Bul sharalar jarysqa qatysýshylar men jol qozǵalysynyń qaýipsizdigin qamtamasyz etý maqsatynda engiziledi. Júrgizýshilerden ózgeristerdi eskerip, jol júrý baǵytyn aldyn ala josparlaý suralady, — dep habarlady basqarmadan.
Gran Fondo World Championship velojarysyna 20-dan astam elden 1 myńǵa jýyq áýesqoı sportshy qatyspaq. Qatysýshylar 95, 50 jáne 37 shaqyrymdyq qashyqtyq boıynsha synǵa túsedi. Jarystyń sóresi men máresi ál-Farabı dańǵyly, 40 mekenjaıynda, Halyk Bank ǵımaratynyń mańynda ornalasady.
Eske salaıyq, Almatyda birneshe kúnge Jandosov jáne Tsentralnaıa kósheleri jabyldy.
