Almatynyń Ál-Farabı dańǵylynda gaz qubyryn jańartý jumystary bastaldy
ALMATY. KAZINFORM – Almatyda Ál-Farabı dańǵyly men Meńdiqulov kóshesiniń qıylysynda gaz qubyry jańǵyrtylady.
23 sáýirden bastap ortasha qysymdy gaz qubyryn qaıta jańartý boıynsha josparly jumystar bastaldy. Bul týraly «QAZAQGAZ AIMAQ» AQ-nyń Almaty óndiristik fılıaly habarlady. Jumystar Ál-Farabı dańǵyly men Meńdiqulov kóshesiniń qıylysynda júrgiziledi. Joba aıasynda kósheniń astymen tesý ádisi arqyly ótkel jasalyp, keıinnen gaz qubyry tóseledi.
- Barlyq jumys trotýar bóliginde júrgizilip, ál-Farabı dańǵylyndaǵy kólik qozǵalysyna áser etpeıdi. Joldy jabý josparlanbaǵan. Jumysty sáýir aıynyń sońyna deıin aıaqtaý kózdelip otyr, - dep habarlady «QAZAQGAZ AIMAQ» AQ.
Jobany júzege asyrý gazben jabdyqtaý júıesiniń senimdiligi men turaqtylyǵyn arttyrýǵa baǵyttalǵan.
Eske salaıyq, Ál-Farabı dańǵylynyń boıyndaǵy gaz qubyryn qaıta jańǵyrtý jumys byltyr jasalýy tıis bolǵan. Alaıda onyń merzimi 2026 jylǵa aýystyryldy.
