Almatynyń Ál-Farabı dańǵylynda 21 jastaǵy júrgizýshiler jol erejesin óreskel buzǵan
ALMATY. KAZINFORM – Almatyda jol erejesin buzǵan eki júrgizýshi ustaldy.
Áleýmettik jelide jarııalanǵan beınejazbada Toyota Camry jáne Geely Coolray avtokólikteriniń júrgizýshileri jol qozǵalysy qaǵıdalaryn elemeı, aınalasyna qaýip tóndirgeni kórinedi.
Qalalyq polıtsııa departamenti qaýipti manevr jasaǵan eki júrgizýshi 10 táýlikke ákimshilik qamaýǵa alynǵanyn habarlady.
- Polıtsııa qyzmetkerleri 21 jastaǵy eki júrgizýshini anyqtady. Olarǵa tıisinshe 32 jáne 30 AEK kóleminde aıyppul salyndy. Sonymen qatar olardyń áreketteri usaq buzaqylyq retinde saralanyp, sot sheshimimen árqaısysy 10 táýlikke ákimshilik qamaqqa alyndy. Eki avtokólik arnaıy aıyp turaǵyna qoıyldy, - dep habarlady departamentten.
Eske salaıyq, 2026 jyly 21 naýryzǵa qaraǵan túni Zeekr kóliginiń júrgizýshisi Ál-Farabı dańǵylynyń boıymen kele jatyp, qarsy qozǵalys jolaǵyndaǵy Mercedes avtokóligimen soqtyǵysqan. Jol apaty saldarynan Mercedes kóliginiń júrgizýshisi men eki jolaýshysy oqıǵa ornynda qaza tapty. Atalǵan derek boıynsha QR Qylmystyq kodeksiniń 345-baby 4-bóligi boıynsha qylmystyq is qozǵaldy.
Bıyl 22 maýsymda sot Aleksandr Pakti QR Qylmystyq kodeksiniń 345-1-baby boıynsha kináli dep tanylyp, 10 jylǵa bas bostandyǵynan aıyryldy.
Al jaqynda Ál-Farabı dańǵylyndaǵy jol apaty boıynsha eks-polıtseıge sot úkimi shyqty.
