Almatynyń Abaı, Tóle bı, Jubanov kóshelerin uzartý jumystary qashan aıaqtalady
ALMATY. KAZINFORM - Naýryzbaı aýdanynyń turǵyndarymen kezdesý barysynda Almaty ákimi Erbolat Dosaev jol jáne kólik ınfraqurylymyn damytý jumystary týraly aıtyp berdi.
Qala ákiminiń aıtýynsha, 2025 jyldyń mamyr aıynda Aqjar jáne Shuǵyla shaǵyn aýdandarynda taǵy 20 km jańa jol qurylysy bastalady. Odan bólek Erbolat Dosaev Abaı, Tóle bı, Jubanov kóshelerin uzartý jumystaryna toqtalyp, qurylysty aıaqtaýdyń naqty merzimin aıtty.
- Aýdanda magıstraldyq kóshelerdi uzartý jumystary belsendi júrip jatyr. Abaı dańǵyly Stroıtelnaıa kóshesinen Altyn Orda kóshesine deıin uzartylýda, joba mamyr aıynyń sońyna deıin tolyq aıaqtalady. Tóle bı kóshesin uzartý boıynsha 270 jer ýchaskesiniń 211-i satyp alyndy, jobany osy jyldyń sońyna deıin aıaqtaýdy josparlap otyrmyz. Jubanov kóshesine keletin bolsaq, 346 ýchaskeniń 75-i satyp alyndy, kósheni uzartý jumystaryn 2026 jyldyń qarasha aıynda aıaqtaımyz, - dedi Erbolat Dosaev.
Eske salaıyq, buǵan deıin Almatyda kóshelerdi uzartý úshin 35 mlrd teńgege jer ýchaskeleri satyp alynǵanyn jazǵanbyz.