Almatynyń Abaı kóshesi 1 qyrkúıekke deıin ishinara jabylady
ALMATY. KAZINFORM — Almatyda birneshe kóshede kólik qozǵalysyna shekteý engiziledi.
Almaty ákimdiginiń málimetinshe, Abaı dańǵylynyń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteýler engiziledi. 24 tamyz saǵat 21:00–den 1 qyrkúıekke deıin Saın kóshesinen Momyshuly kóshesine deıingi aralyqta kólik qozǵalysy ishinara shekteledi. Jóndeý jumystary joldy tolyq jappaı, birneshe jolaqta kezeń-kezeńimen júrgiziledi.
Odan bólek 24 tamyz saǵat 21:00–den 25 tamyz saǵat 05:00–ge deıin Abaı dańǵylynan Tóle bı kóshesine deıingi Jarokov kóshesiniń bóliginde jol ishinara jabylady. Shekteý gaz jelilerin qaıta jańartý jáne asfalt jabynyn qalpyna keltirý jumystaryna baılanysty engiziledi.
— Jóndeý júrgizilip jatqan ýchaskede eskertý belgileri jáne merdiger uıym basshysynyń baılanys aqparaty kórsetilgen taqta ornatylady. Jol júrý baǵytyńyzdy aldyn ala josparlaýdy suraımyz, — dep habarlady ákimdikten.
Eske salaıyq, buǵan deıin Almaty metrosynyń úsh jelisi boıynsha ár joba qandaı satyda turǵanyn jazǵanbyz.
