Almatynyń 5 kóshesi Úlken Almaty aınalma jolyna deıin uzartylady
ALMATY. KAZINFORM – Almaty ákimdiginde qalanyń radıaldy joldaryn Úlken Almaty aınalma avtomobıl jolyna deıin uzartý boıynsha keńes ótti.
Qala ákimdiginiń málimetinshe, qazir Tilendıev, Soltústik aınalma, Saın kóshelerin, sondaı-aq Rysqulov pen Abaı dańǵyldaryn qala shekarasyna deıin uzartý jumystary júrip jatyr. Onyń ishinde birazy jer telimderin satyp alý satysynda tur.
Aldaǵy ýaqytta osy 5 kóshe Úlken Almaty aınalma avtomobıl jolyna deıin uzartylmaq.
- Qala oblys aýmaǵyndaǵy jol salý boıynsha mindettemelerdi ózine aldy. Jobalyq-smetalyq qujattama daıyndaldy. Al oblys jer telimderin satyp alý jumystaryn júrgizip jatyr, - dep habarlady ákimdikten.
Radıaldy kóshelerdiń uzartylýy Almaty men oblys arasyndaǵy kólik baılanysyn jaqsartyp, qalaǵa kiretin magıstraldar sanyn arttyrýǵa múmkindik bermek.
Eske salaıyq, buǵan deıin Almatyda Sátbaev kóshesi Shyǵys aınalma jolyna deıin uzartylatynyn jazǵanbyz.
