Almatynyń 3 aýdanynda ýaqytsha sýyq sý bolmaıdy

ALMATY. KAZINFORM — «Almaty Sý» mekemesi sý qubyry júıesine jańa ınjenerlik jelilerdi qosý jumystaryna baılanysty 24 shilde saǵat 09:00–den 20:00–ge deıin Almaty qalasynyń keı bóliginde sýyq sý berý ýaqytsha toqtatylatynyn habarlady. 

Josparly jumystar júrgiziletin kezeńde kelesi aýdandarda sýyq sý ýaqytsha toqtatylady:

Bostandyq aýdany: Saın — Asqarov — Álmerek — Azamat — Sadyqov kósheleri sheńberinde. Onyń ishinde: «Mıras», «Daryn» shaǵyn aýdandary jáne Dolına roz, Solnechnaıa dolına, Kýnbel, Hyde Park, Presidents Park, Miras Park turǵyn úı keshenderi.

Naýryzbaı aýdany: Asqarov — Kenesary han — Qarǵaly ózeni — Novaıa kósheleri shekarasynda. Onyń ishinde: «Qarǵaly», «Quramys», «Rahat» shaǵyn aýdandary jáne Asqar Taý, Han Táńiri, Bella Villa, Nef Up Town turǵyn úı keshenderi.

Áýezov aýdany: «Taýgúl-3» shaǵyn aýdany, Altyn Qarǵaly shıpajaıy

— Quyrylys-montajdaý jumystary aıaqtalǵannan keıin sý birtindep, jabdyqty tekserip, retteý jumystarynan keıin qaıta qosylady. Ýaqytsha qolaısyzdyqtarǵa túsinistikpen qaraýlaryńyzdy suraımyz, — dep habarlady «Almaty Sý».

Eske salaıyq, buǵan deıin Almatynyń taý bókterinde eki zańsyz nysan súrilgenin jazǵanbyz.