Almatyny shańdy daýyl basyp qaldy
ALMATY. KAZINFORM – Almatyda kún kúrt buzyldy. Aspandy qara bult torlap, qatty jel turyp, qalany shańdy daýyl basty.
Almatylyqtar qaladaǵy qolaısyz aýa raıy saldarynyń foto-vıdeolaryn áleýmettik jelilerde jarııalap jatyr. https://t.me/kris_p_almaty_official/26851
Birneshe mınýtqa sozylǵan kúshti jel ǵımarattardyń qasbetterin opyryp túsirdi.
Dúken mańdaıshalary búlindi.
Qazir nóser jaýyn bastaldy.
Bul rette áýejaıdyń baspasóz qyzmeti Almaty halyqaralyq áýejaıy shtattyq rejımde jumys istep jatqanyn habarlady.
Buǵan deıin Qazgıdromet Almatyda 5-6 sáýir aralyǵynda nóser jaýyn jaýyp, naızaǵaı oınap, jeldiń ekpini sekýndyna shamamen 15-20 metrge jetetini týraly eskerken bolatyn.
Osyǵan baılanysty qalanyń kommýnaldyq qyzmet kúsheıtilgen rejımde jumysqa kóshti.