Almatyda Keńsaı-1 aýmaǵyndaǵy taý bókterinde shyqqan órt oqshaýlandy

ASTANA. KAZINFORM — Almaty qalasynyń Medeý aýdanynda Keńsaı-1 aýmaǵynda taý bókterindegi órt 15 gektar alańdy sharpyǵan, dep habarlaıdy TJM baspasóz qyzmeti.

— Jumystar qolda bar quraldar men aspaly órt sóndirgishterdi qoldana otyryp júrgizildi. Oqıǵa ornynda jeke quramnan 50-ge jýyq qyzmetker jáne 20-dan astam tehnıka, sonyń ishinde jergilikti atqarýshy organdardan sý tasymaldaıtyn mashınalar jumyldyryldy. Sársenbaev kóshesindegi jeke sektorǵa órttiń taralý qaýpi joıyldy. Aldyn ala berilgen málimetke sáıkes 15 gektar alańdy sharpyǵan órt oqshaýlandy, — delingen habarlamada.

Vedomstvo málimetinshe, zardap shekkender týraly aqparat 112-ge túspedi.

Buǵan deıin qutqarýshylar Almatyda taý bókterindegi órtti sóndirip jatqanyn jazǵan edik.

Sonymen qosa qalada taǵy da órt boldy. Órt sóndirýshilerdiń arqasynda Qarasaı aýdanyndaǵy Orta Qyrǵaýyldy shatqalyndaǵy 8 gektar aýmaqta órtengen qurǵaq shóp sóndirildi.