Almatymen teńesti: Qonaev qalasynda jolaqy qymbattaıdy

QONAEV. KAZINFORM — 20 tamyzdan bastap Qonaev qalasynda qoǵamdyq kólik jolaqysy ózgeredi.

Qonaev ákimdiginiń málimetinshe, qala ishinde bir ret jol júrý quny elektrondy bılet júıesi nemese mobıldi qosymsha arqyly tóleý kezinde — 120 teńge, al qolma-qol tólegende 200 teńge bolady.

— Tarıftiń ósýi tasymaldaýshylar shyǵyndarynyń artýyna, avtobýs parkin jańartýdyń qajettiligine jáne qoǵamdyq kólik qyzmetiniń turaqty jumysyn qamtamasyz etýge baılanysty. Sonymen qatar Qazirgi tańda áleýmettik mańyzy bar baǵyttar respýblıkalyq bıýdjetten sýbsıdııalanady. Jolaqynyń ósýi bıýdjetke túsetin salmaqty azaıtyp, qoǵamdyq kóliktiń turaqty jumysyn qamtamasyz etýge múmkindik beredi, — dep túsindirdi ákimdikten.

Qala mańyna qatynaıtyn baǵyttardaǵy jańa tarıfter:

• Qonaev — Zarechnyı, Qonaev — Arna: elektrondy júıe arqyly — 150 teńge, qolma-qol — 300 teńge.
• Qonaev — Sheńgeldi, Qonaev — Qosqudyq: elektrondy júıe arqyly — 200 teńge, qolma-qol — 400 teńge.
• Qonaev — Sarybulaq, Qonaev — Kerbulaq: elektrondy júıe arqyly — 200 teńge, qolma-qol — 500 teńge.

Eske salaıyq, byltyr tamyz aıynda Almatynyń qoǵamdyq kólikterinde jolaqy qymbattady.